Artikel Basa Jawa

Niki yaiku tugas basa jawi ndamel artikel ngenani fenomena / prastawa kang dumadi ing bawana (lingkungan sekitar) . Matur nuwun :)

Nama : Cindy Agustinawati
Kelas : X MIPA 1
No.absen : 07

 Tumpukan Sampah sing Saya Suwe Saya Akeh

Sampah minangka salah sawijine perkara sing ana gandhengane karo uripe manungsa.Sampah meh mesthi ana ing kabeh papan ing bumi iki, amarga manungsa mesthi ngasilake uwuh ing kauripane.

Salah sawijine kaya kahanan kali ing desaku, Jombor.Ing dina Minggu, tanggal 9 Agustus 2020, aku ndeleng kali ing cedeke omahku.Tibake kali iki wis akeh uwuhe. Tumpukan sampah dumadi amarga saka kurange kesadaran warga utawa kegiyatan warga lokal sing tansah mbuwang sampah menyang kali saenake dewe.Apa iku rupa sampah plastik, kertas,utawa sisa-sisa bahan rumah tangga. Sampah-sampah kasebut ndadekake kali ora apik kaya biyasane.Banyune dadi reged lan ora jelas, uga mambune ora nyenengake.

Sejatine, mupangate kali iki akeh banget. Contone, kanggo ngaliri sawah utawa irigasi, kanggo ngumbah sandhangan, kanggo adus ,lan sapanunggalane. Nanging apa sing kedadeyan yen kali kasebut reged banget lan diisi sampah, mesthi kita rumangsa jembrek yen adus utawa ngumbah sandhangan ing kono.Iwak-iwak uga bisa mati yen kena limbah sing beracun saka limbah rumah tangga.

Tumpukan sampah ing kali uga bisa nyebabake macem-macem penyakit, kayata malaria, gatel-gatel utawa alergi yen kena banyu reged.Sampah iki uga bisa nyebabake bencana kayata banjir.Nalika udan deres lan kahanan uwuh sing diklumpukake bisa nyumpet aliran banyu kali lan amber ing daratan.

Mula, kita kudu nerapake kebersihan lan kesehatan ing sajroning urip, kayata ora mbuwang sampah sembarangan lan njaga kebersihan kali, amarga kebersihan lingkungan duwe pengaruh gedhe kanggo kesehatan awak kita dhewe.


Katrangan :

1.Irah-irahan artikel : Tumpukan Sampah sing Saya Suwe Saya Akeh

2.Asmane penulis artikel : Cindy Agustinawati

3.Media sing digunakake  : Media internet (blogger)

4.Sumber informasi : Dikutip langsung saka tempat kadadean

5.Papan panggonan dumadine : Ing kali Dusun Jombor Bawah

6.Dina lan tanggal kadadean : Minggu, 9 Agustus 2020

7.Asmane narasumber : Bu Dewi

8.Ukara kasunyatan,aktual,lan wis kadadean : Paragraf 1

9.Akibat sawise kadadean : Paragraf 4

10.Panemune narasumber kanggo ngudhari masalah : Yaiku,kita kudu jaga kebersihan lingkungan sekitar.Kayata ora mbuwang sampah menyang kali.Amarga yen kita seneng mbuwang sampah sembarangan utama mbuwang sampah ing kali bakalan nyebabake bencana banjir .Lan masyarakat sekitar kudu sadar menawa kebersihan lingkungan iku penting.